Matagal nang nakalaan ang Dibisyon ng Pagpaparehistro at mga Halalan na paglingkuran ang mga botanteng may kapansanan upang matulungan silang gamitin ang kanilang karapatang bumoto.
Sa pamamagitan ng mga pagbisita sa mga lokasyon at kooperasyon ng iba’t ibang pasilidad sa buong County ng San Mateo, ang lahat ng lugar ng botohan ay naaayon sa ADA at magagamit ng mga botanteng may kapansanan bilang pagsunod sa Titulo II ng ADA, at nakakasunod sa mga pamantayang itinakda ng Kalihim ng Estado ng California.
Noong 2015, itinatag ng Dibisyon ng Pagpaparehistro at mga Halalan ang Voter Accessibility Advisory Committee (VAAC), isang komite na idinisenyo upang magkaloob ng gabay at impormasyon sa mga isyu ng accessibility na may kaugnayan sa pagsasagawa ng mga halalan. Makakabasa kayo ng iba pa tungkol sa mga tungkulin ng VAAC sa ibaba.
Ang mga nakarehistrong botante na may kapansanan ay maaaring:
- Humiling ng isang Remote Accessible Vote-By-Mail Ballot. Ang Remote Accessible Vote-By-Mail System ay nagpapahintulot sa mga botante na bumoto nang pribado at independiyente sa pamamagitan ng pag-access at pagmarka sa isang elektronikong balota sa isang mababasa sa screen na format sa alinmang computer anumang oras. Magagawa ng mga botante na gumagamit ng online na sistema na ito na mag-log in at i-download ang balota nila sa isang computer, markahan ang mga napili nila, at pagkatapos ay i-print ang balota. Ang balota ay dapat ibalik sa Dibisyon ng Pagpaparehistro at mga Halalan sa pamamagitan ng koreo, sa isang Kahong Hulugan o sa alinmang Sentro ng Pagboto. Ang mga botante ay maaaring pumunta sa My Election Info at ilagay ang kanilang impormasyon para makakita ng link sa kanilang balota, o maaari silang mag-email sa amin sa registrar@smcacre.gov o tumawag sa amin sa 650.312.5222 upang i-email sa kanila ang link sa kanilang balota.
- Hilingin sa mga tauhan ng Dibisyon ng mga Halalan na maghatid ng isang nakalimbag na balota ng Pagboto sa Pamamagitan ng Koreo sa lalong madaling panahon. Ang mga tauhan ang tutulong sa kanila sa pagmarka at pagbabalik ng balota.
- Hilingin sa mga tauhan ng Dibisyon ng mga Halalan na magdala ng isang madaling magamit na Ballot Marking Tablet sa isang lokasyong madaling mapuntahan upang makapagtala ng boto sa isang elektronikong balota nang pribado at independiyente. Ang sistemang ito ay may teknolohiya ng pagbasa ng balotang audio, malalaking button na may iba’t ibang hugis na may mga paglalarawan na nakasulat sa Braille mababa upang magamit ng naka-wheelchair at gumagamit ng mga adaptive interface device tulad ng sip and puff activated device at mga tactile switch upang makontrol ang pagpasok ng impormasyon. Ang mga tauhan ng Dibisyon ng mga Halalan ang mag-aayos ng kagamitan at tutulong sa botante sa proseso.
- Hilingin sa mga tauhan ng Dibisyon ng mga Halalan na magsaayos ng libreng transportasyon para sa botante papunta sa at pauwi mula sa Sentro ng Pagboto sa panahon ng maagang pagboto, kung saan magagamit ng botante ang madaling gamiting Ballot Marking Tablet ng County.
Ang Option 2 hanggang 4 ay pangkaraniwang makukuha mula 9 a.m. hanggang 5 p.m. sa mga araw ng negosyo sa panahon ng maagang pagboto na magsisimula na araw bago ang halalan. Ang mga botanteng kokontak sa Dibisyon ng mga Halalan sa pagitan ng Lunes at Huwebes ay paglilingkuran sa o bago ang susunod na araw. Ang mga botanteng kokontak sa amin tuwing Biyernes ay maaaring magtakda ng appointment para sa susunod na Lunes o mas maaga kung posible. Maaaring magsagawa ng mga espesyal na akomodasyon para sa serbisyo sa labas ng itinakdang oras. Ang Option 1 ay nakahanda kahit kailan, araw o gabi, sa panahon ng maagang pagboto.
Ang mga option na ito ay angkop lamang sa mga nakarehistrong botante ng County ng San Mateo. Dapat kontakin ng ibang mga botante ang opisyal sa mga halalan ng kanilang
Kung mayroon kang mga tanong o gusto mong magpaiskedyul ng isa sa mga option na nasa itaas, mangyaring kontakin ang Dibisyon ng Pagpaparehistro at mga Halalan ng County ng San Mateo sa 888.SMC.VOTE (888.762.8683) o registrar@smcacre.gov.